HUNDUGU KAL᷊IOMANENG TATARIMAKASẸ
PĔTATAHEĔNDUNGANG KAPAPETỊU
TAMPUNGANG LAWO 601 SU TAUNGE
DINGANGU PEHEPUSANGU WUL᷊ANG HIABẸ̆ 2026
Kaehẹ̆, 31 Hiabe 2026
(Disusun Oleh Pdt. Bernadine Taghulihi, S.Th.)
TETA U KASASEMBAUKANG SU PANANEMBA
TP : (Mzm. 29:1-2) Pẹ̆daloko Ṃawu, e kal᷊awọu riadikang masorga e, pẹ̆daloko kawawantugẹ̆ dingangu kawasa-Ne
Jmt : Pẹ̆daloko arengu Mawu kụ mawantugẹ̆, Pĕnĕmbako si Sie dingangu pẹ̆pakẹ u pakeang u kal᷊iomaneng
Jamaate dumarisi mekantari: “MAWU PUNGU KAKENDAGE”
1. Mawu pungu kakendage su kebi umate,
Kapiane mang sentinia si kami ellangE
Pehengke dalo sembah kebi kawanuanE,
Su Mawu KaselahengE Ruata Kawasa
2. Mawu pungu tatalĕntụ tulumang katentung,
si kami kebi manga ĕlang darodo matĕlang.
‘Ndaung susasimpelo, malukade bawelo
dorongan nae tatingang o Mawu rendingang
MEGAUSE AL᷊AMATE
Pgh : Pẹ̆kakal᷊iomanengang tatarimakasẹ, baugụ pẹ̆tatahẹ̆ndungang kapia kapapetịu tampungang lawo 601 su taunge, su orase ini mariadi sulalungu tul᷊umang Mawu Ruata I Amang , Ahuse dingangu nendiadi langi dingangu dunia, laudě ore lai patiku dalohone. Mawu taměmalang munara tinetau limanE. Aming
(Jamaạtẹ̆ maiang)
LUNTNGIHU KAKANTARI : .............
GION DARALO:
Jmt. Mahunsimbangeng mebasa bou (Mzm.66:1-4;67:2-3)
Pgh : Pĕmpahul᷊uase waugu Ruata, ei kasĕllahu dunia!
Jmt. : Pẹ̆kantarị e ringangu wantugeko areng’E, bantugeko i Sie ringangu manga raralo.
Pgh : Pẹ̆berako su Mawu Ruata, “mamben tĕngadẹ̆ makạdal᷊inaụ kakanoạ’U e!
Jmt : Sĕdụ e nẹ̆samal᷊ẹ si Kau su katatakụ marasai, u apạ e masĕllahẹ̆ kawasa-Nu
Pgh : Kasĕllahu runia e nẹ̆tumpĕkuhẹ̆ manĕmba si Kau e,
Jmt : i sire e mẹ̆kẹ̆kantarị mẹ̆dẹ̆dalo areng,U”
Pgh : Karimạko Ruata e kumĕndagẹ̆ dingangu mĕngal᷊amatẹ̆ si kitẹ.
Jmt : Karimạko i Sie kumakĕlla si kitĕ ding̣angu karal᷊ondo
Pgh : O Mawu Ruata, mal᷊owọko kapulu-Nu e i kakiral᷊ang patikụ dunia e
Pgh+Jmt : ringangu kasasal᷊amat’U e i lahẹ su tal᷊oaram patikụ bansa.
KAKANTARI MEHINDO: DALUASEKU NATINALAUNG
Daluaseku natinalung, su endumang i pedarame
Leadate su pungu Tulumang, kapianE nemetiku lawo
Duikeng’kong sembah, duikeng’kong sembah,
sembah si Ghenggona Si Ghenggona Langi,
kanandung ello dingangu hebi, pedalo arengE I Malondo
PÉNGANGAKU ROSA DINGANGU HABARU TATALENTU U RUATA
Pgh : Jamaatĕ I kĕkĕndag’u Mawu Yesus Kristus, mahi e I kite mĕtĕngkasana u naung I kite su tĕngong Mawu ku mengaku patiku pĕsasalang kite. Mahi e I kite mĕkaliomaneng: O Mawu I Amang napeneu kakĕndagĕ ore lai karalondo, su tĕngong pahes’U masusi I kami mekekal᷊iomaneng kapĕsĕsipire patiku pĕsasal᷊a seng nikoa i kami …
Jmt : Patiku haghi ku seng makakapĕndu dalungu naung sĕndinganeng i kami, manga gaghurang I kami, manga ana i kami, hapi sĕhalĕkang dingangi kami, arau manga anau sĕngkataung kami, tĕmbonang i kami dingangu patiku apan taumata ku kahiang i kami e niapakatĕdu naungi sire, nangĕlembo e wue I kami mesĕsipiru patiku kakanoa i kami ku makatĕdu naung i Kau Mawu.
Pgh+Jmt : O Mawu! Milumbako i Kau Mawu kumĕndagi kami; tualage naung i kami dingangu sennang’U Rohkĕ Susi e, takadeakengu alamat’U Mawu mahundingang si kami su taung buhu ini. Tĕntanure i kami sukanandung ellong pebiaheng i kami, dingangu ahako i kami su ral᷊engU, O Yesus Kristus mĕndalukadĕ satia si kami taumata, ampunge pesasalagi kami. Aming
Jamaate Mekantari PENDANG TAMAKAWAWA
Pendang tamakawawa behau wiahe,
tumba dudalingara su Mawu makendage,
O Mawu tanure, O Mawu I’Amang,
Ellang’U Meghogho o pirua ia marosa
HABARU KAKENDAGU MAWU/TATAHULENDING (MAENG PIA MENANAHULENDING)
Pgh : Mebasa Yehẹkiel 36:25-28 “Bọu ene i kamene e sarung Takụ pakipěsikeng akẹ matilang, tạdeạu i kamene e wurẹ̌si wọu kal᷊awọu mahan duatanu e ringangu wọu kěbị apang kụ makal᷊amuhụ si kamene e. Tangu i kamene e Takụ onggotangu naung kụ buhu ringangu tiněnna wuhu. Naungu e kakětị e kere watu ene e, sarung Takụ awengangu naung kụ mararingihẹ̌. Rohkẹ̌ u e sarung Takụ i wěmbing sarang dal᷊ungu naungu ringangu i kamene hědon Takụ lukadeng tadeạu mẹ̌biahẹ̌ tumuhụ manga toratẹ̌-Ku e ore lai rumaringihẹ̌ kal᷊awọu tita-Ku. Tangu i kamene sarung matanạ su wanua kụ seng Takụ nionggọ su manga i upung gaghurangu. I kamene e sarung makoạ umatẹ̌-Ku dingangu Iạ e mal᷊aing sarung makoạ Duatanu.
Jamaate Mekantari: KENDAGI GHENGGONA TAWE BELANGGE
Kĕndag’I Ghĕnggona tawĕ bĕllange,
sukanandung biahẹ̆ tamĕnnanĕntang
ĕllang’E mang mẹ̆ngal᷊amatẹ̆
Reff.Pĕhengkẹ̆ dalo sĕmba su Ruataku
I Sie pẹ̆kakĕllungang ore bukirang,
Pakatatapẹ̆ mĕmmọba su wọba
Tạ’ gĕngg̣ang gịanṭang
I Ghĕnggona p̣̣ĕngangumbal᷊erang
- KALIOMANENG BAUGU PETATANGKIANG HENGETANGU MAWU:
- MEBASA HENGETANG U MAWU:
- MENASE:
GHELARU SASEMBA:
TP : Kapenarakange sasembah mekantari PAKAIHA MEGAHAGHO (Jika Hendak berkanjang doa)
Pakaiha megahagho su Mawu Ruata makatul᷊ung kai rorong
Makapua kebi haghing sungkal᷊ene, Katengad’u Mawu mambeng tebe nedal᷊embo su taumata gugaghal᷊e kapian’E, lahiking’E alamat’E
Reff. O Mawuku kakendag’U tamailang su naungku
kanandung daral᷊engangku i Kau Mawu Poloku sarangkadengu-dengu e
TAMO POSOKANG (MAENG PIA SASADIA TAMO).
KAL᷊IOMANENG TATARIMAKASE
Pgh : Mahie Mekaliomaneng......
KURENTENGU KAKANTARI:..........
KENTARI PAMEROENG: (Jamaat dumarisi) Mekantari DALUASE
Daluase seng nahumpaliu, nennaungang pira taung naliu
I hengke kaliomaneng su Mawu batu timuhu kere karakinu
Duata netulung satia, ku abe ghagholokangu ualing liaghang gantinu
Reff. Ini nipensau ringangu ghaghionu tahendunge kebi apang hapiu
Pempebanuako suwongkong lumenehe Sutadetene takahalaweng, oh suweda u Lempi u anging, oh suwanalang e pedarame Kamageng alingang mengkai tumuwo. Kamageng ensokang mengkai tumendang Menaharumiki mekila mededalinding, Sarang binawa kusimarang kere kakerongu Wituing kadademahe............
Oh Mawuku, Mambeng petulung sirung sengkasirung
MANARIMA ALAMATE
Pgh : Pangumpaede su kĕdong Mawu……tuhu Yesaya 41:10: “Abe kataku, u Ia e manentanude si kau, abe gaghiantang, u Ia e Ruatanu. I Kau e taku ipakatoghase, dingangu taku I tulung, tataengu takiaheKu pakatulende. Pĕmpĕdalengke su pedarame dingangu su gaghagong tulumangu Mawu..... tarimako Alamat’Ẹ: “Mawu Ruạta simbulu patiku pĕlaharapĕ dingangu kakĕndagẹ mapakasuku I kamene su ral᷊ungu karal᷊unsemahĕ ku makoa taghuanengu sahelo ini, sarang ellong pĕbawihe mahi kadentane. Aming
Jmt : Mekantari DUMALENG IA DUMALENG
Dumaleng ia dumaleng, tumempang ia tumempang
Dumaleng sukatulide, tumempang 2x sukatengade
(Uade) uade kai kere malahinse kai kere malahinse
Malakoateng sakaeng bulaeng3x
Pato salaka langingi biang sehiwu 2x Sakaeng tamatataku u anging
Taghumenggang u suwu-suwu mataku bekereapa
Gumenggang be apa Nagkodane kai I Ghenggonalangi
Duatang saruluang, kawasang patiku u dunia
=Pesasamala naghanape=